بسم الله الرحمان الرحيم
السلام عليكم و رحمة الله و بركاته
هذه وصفة للأخت أم أميرة من منتدى الجمال المغربي
المقادير
ـ قطع من الكيك بالشوكولاته
ـ 2 كيس من الفلان او الكريم كراميل
ـ 10 حبات من البسكويت
ـ 1 ملعقه كبيرة نسكافي مذابه في 2 ملاعق ماء
ـ 2 كوب حليب
ـ 200 ملل قشده طريه
الكوب = 250 ملل
نصف قطع الكيك في قعر القالب ثم نضغط قليلا باليد
نغلي الحليب ثم نضيف عليه خلطة تحضير الفلان او الكريم كراميل (إذا كانت خلطة الفلان غير محلاة نضيف السكر حسب الذوق) ثم نحرك الخليط لبضع ثواني على نار هادئه
ثم نصب الخليط في الخلاط و نضيف إليه النسكافي المذابه و قطع البسكويت المكسرة
ثم نخلط مدة دقيقه
يترك يبرد بضع دقائق
و في اثناء ذلك نخفق القشده الطريه للحصول على شانتيي
نضيف الشانتيي الى خليط الفلان ثم نخلط قليلا بالخلاط
نصب الخليط فوق شرائح الكيك
ثم نضعه في البراد كي يبرد و يتماسك لمدة 6 ساعات
و هنا على هذا الرابط تقديم آخر لهذا الحلا
في امان الله
choran
ردحذفtbarkellah 3liuk ahbiba chokrane bezaf sba9li jarebto oja ghzal
ردحذفhadiiii bayna sahla ou ldida
ردحذفتبارك الله عليك اختي على الوصفة عفاك اجربت هاد الحلوى وجات غزالة ولكن هداك الخليط جاني اللون ديالي مغلوق ماشي بحالك مفتوح ومعرفتش علاش مع العلم درت نفس المقادير ديالك.ممكن تقولي لي اين الخلل؟ عفاك باش اخلطتي كاكاو باش جاك قهوي؟ احبيبة جاوبني عفاك باش نعاود نولي نجربهاوشكرا لك جزيلا
ردحذفأهلا أختي ندى و مرحبا بك فمدونتي
ردحذفواش الخليط علاياش كتهدري واش ديال الفلان و الكريم شانتيي؟
تقدري تكوني كثرتي فيه القهوة داكشي باش جاك مغلوق حيث هي الحاجه الوحيده اللي بانلي أنها تقدر تاثر على لون الخليط أما الفلان دالفاني راه لونه فاتح و خلاص الشانتيي بيضة و البيسكوي منظنش يأثر بزاف على اللون
بالنسبة للكاكاو باش رشيت الوجه هو نسكويك و لكن مع الطورطه بارده و مندية غير كترشيه فحال الى كيفزك و كيولي لونه غامق تقدري ترشيها بالكاكاو المر راه هو اصلا لونه غامق
أتمنى نكون أفدتك و أي استفسار أنا إن شاء الله في الخدمة
تبارك الله عليك احبيبة لهلا يخطيك
ردحذفتبارك الله عليك والله يجازيك على كرمك وتعاونك معانا حتى نتمكن من تقديم اطباق شهية لاحبابنا كل هذا بفضلك جزاك الله خيرا وجعله في ميزان حسناتك ووفقك في حياتك. وصفة جيدة ساحاول اليوم تطبيقها لن اكون في مستواك لكن ساحاول ( مرة اخرى اتمنى لك التوفيق)
ردحذفماشاء الله بارك الله في يمناك يالغلا
ردحذفواضح انها لزيزه
اختي ناني فرأيك واش هاد الحلوى كتجي احسن بالفلان اوبالكريم كراميل لاني كنظن انك غتكوني جربتيها بيهم بجوج
ردحذفبارك الله فيك أختي امينة و جزاك خير الجزاء على كلامك الطيب
ردحذفو إن شاء الله تجربيها و تجيك أحسن من ديالي بكثير
لهلا يخطيك
أختي أميرة نورتيني بمرورك العطر
ردحذففعلا جربتها بهم بجوج و الصراحه انا حسيت انه مكينش شي فرق كبير فالطعم بينهم أما اختي عجباتها اللي بالكريم كراميل أكثر
ردحذفالخلاصه: اللي متوفر عندك وجديها به
اختي راني بغيت نجربها اليوم للاسف مالقيتش الفلان كاين جيلي و كاين بودينغ و حليب نستلي والله الى تفقصت حيت تشهيتها فاش شفتك صاوبتيها و محتاجة بيها ضروري غدا في الصباح واش كاين شي حل ثاني ؟
ردحذفاختي جربتها البارح بكريم كراميل منزلي ديال برايندوف جات جارية هههه عاود قلبت على الفلان او كريم كراميل مالقيتش واش ممكن ندير النشا بلاصة الفلان ؟ الى ممكن شحال الكمية و الله يجازيك كلللللللللللللللل خير
ردحذفأهلا أختي واش انت الأخت كريمه اللي طرحتي السؤال اللي قبل ؟
ردحذفالمهم بالنسبه لك ميمكنش ديريها بكريم كراميل منزلي حيث خصو يطيب و الكيك طايب من قبل يعني ميمكنش داكشي باش خصك الفلان أو الكريم كراميل النشا منصحكش بها حيث غادي خصك ديري كميه زايده شويه باش تجيك واقفه و النشا الى كانت كثيرة كتعطي طعم خايب
الى كنتي انت نيت كريمه اللي سولاتني قبل ديري الجيلي اللي بدون نكهه أو لو موجود دالفاني و فعوض الماء ديري الحليب و زيدي له القهوه كنظن الجيلي أفضل حل من بين هادشي اللي متوفر عندك و آجي بعض الدول ما متوفرش فيها الفلان و عوضه كاين البودينغ منها الخليج و بعض الدول الاوربيه اختي كنظن البودينغ حتى هو يليق توكلي على الله و ردي عليا الخبار
اختي نعم انا كريمة شكرا بزاف بزاف على الرد عاد دخلت نيت للدار عييت بالتقلاب عليه و الله الى مشهية هاد الحلوة بزاف و محتاجاها مالقيتش جلي بدون مداق و جبت غير ديال فريز عندي بودينغ ديال فاني و ديال كراميل و ديال الشكلاط الله يجازيك كل خير سمحي ليا بزاف بزاف عدبتك راه انا نيت اللي سولتك على كريم باتسيير غير سمحي ليا بزاف بزاف و اجرك محفوظ ديما كندعيو معاك انا و خواتاتي ربي يعطيك مانويتي في خاطرك هاني قلبتها سعاية هههههههههه
ردحذفالسلام عليكم اختي ناني
ردحذفبغيت نسولك واش ممكن عوض الكريم فريش نعملها بالكريم شونتيي غبرة؟
وتبارك الله عليك اختي انا من اششد المعجبات بوصفاتك
اختي واش درتي 2كوب حليب يعني نصف لتر علاش ديرا في الصورة لتر كامل بغيت نعرف كمية الحليب حيث بغا نجربها ان شاء الله قريبا
ردحذففعلا كوب هي نصف لتر و انا كانت هادي اول تجربه لي للحلا و حطيت قدامي الحليب حتى عبرت الي تبعي و تاخدي بعين العتبار داكشي الي كنكتب
حذفاختي راه جربتها بالبودينغ جا المداق غزال بالحق ماشاداش راسها ولكن درتها في الفريكو شكرا بزاف الله لا يخطيك اختي اكيد غادي نعاود نجربها مرة اخرى فاش نلقى الفلان حيت صراحة بنينة
ردحذفناني اختي قلتي الفلان ممتوفرش في الدول الاوروبية هادشي كيدخل الشك واعر عليهم زعما اصايبوه ماعرة اشمن سم كناكلو ):
ردحذفالسلام عليكم اختي انا اللي كنت سولتك بغرض نقل وصفاتك على جهازي الى حين تطبيقها سمحي ليا الا حرجتك ولكن يشهد عليا الله ما كنعرف نحط صور فالمنتديات انا بغيت الوصفات نستفد منهم شخصيا ادا سمحتي أالزين
ردحذفوعندي سؤال فهاد الحلوة واش نقد نعوض كريمة الخفق بكريمة شانبي اي البودرة اللي كتطرب مع الحليت وسمحي ليا على الإطالة ودمتي متميزة
و عليكم السلام و رحمة الله و بركاته
ردحذفاختي ما احرجتيني ولا ولو و راني جاوبتك و شرحت لك كيفاش ديري باش تحطيها فجهازك و اللي متمكنين فالمعلوميات يقدرو ينقلو وصفاتي بالرغم من اني لغيت خاصية الكيليك اليمين و يحطوها فاي مكان كيبقى الامر متروك لضميرهم و مدى خوفهم من الله
و بالنسبه للكريمه المهم فالوصفه هنا هو الشانتيي يعني فحال طربتي الكريم فريش و طلعتيها فحال شريتي الغبره و طلعتيها مع الحليب المهم فالاخير ديري الشانتيي
سؤال اخر حبيبتي
ردحذفشحال من جرام فكيس الكريم كراميل لاني جربتها وجات جارية شوية
ومشكورة مسبقا
ياريت تجاوبيني حبيبتي على اخر سؤال
ردحذفأختي أظن انه فيه 77غ و ماشي مهم عدد الغرامات المهم فطريقة التحضير اللي تكون على ظهر العلبه يكون مكتوب فيها ان الكميه تحضر بنصف لتر حليب و استعملي 2 أكياس كريم كراميل او فلان فاني او كراميل مع نصف لتر حليب
ردحذفيعني تاخدي 2 كيس كريم كراميل تخليطها بنصف لتر حليب
أو تاخدي كيس فلان فاني + فلان كراميل و تخلطيها بنصف لتر حليب
او ممكن تاخدي كيس كريم كراميل +كيس فلان فاني و تخلطيهم بنصف لتر
المهم فجميع الاحوال المقدار هو 2 كيس + نصف لتر حليب
شكرا لردك عزيزتي والله يجعلها فميزان حسناتك اختي
ردحذفأختي أنا معجبة من مدومتك بزاف أوحب نحمل الوصفات تاعك في جهازي باش نقدر نعاود نطبقها والله مجرب رغبة في الاستفادة الشخصية ليس لنشرها في المنتديات الاخري للاني معنديش الانترنت في البيت أو مجبرة باش نحملها ياريت توريلي كيفاش أو راح ندعيلك للاني نموت في الطبخ أو حب نجرب كل واش حطيتي في المنتدي أوسامحيني علازعاج أونتمنالك كل التوفيق
ردحذفالله يعطيك الصحهـ اختي
ردحذفجزاك الله آلف خير عندي واحد سؤال
واش نستعمل فلان و كريم كراميل بزوجهم أو واحد فيهم ؟
لآنك في صوره حاطهم بزوج
هاديك او معرفتش شنو تقصدي بيها زعما أو بالفصحى لا أووو كيما نقولو بدريجه ههههه
نتمنى تجاوبيني عن قريب راني قررت نصوبها نرد عليك خبار
اصلا باين من فوتو غاده تجي مزيآآانة =)
ماشاء الله عليك ناني متبعة الوصفات ديالك من الجمال المغربي وكلها كتصدق وتحمر الوجه الله يعطيك ما تمناي فخاطرك بالتوفيق ان شاء الله
ردحذفما شاء الله عليك ! وصفاتك رائعة و أتمنى لك التوفيق و مزيدا من العطاء.
ردحذفلي مقدر نقول ليك :ماشاء الله ولا قوة الا بالله عليك اختي الله يحفضك من كل شر
ردحذفtbarklah 3lik
حذفالسلام عليكم ورحمة الله وبركاته
ردحذفمشاء الله عليك اختى وصفاتك كلها راقية تبارك الله